aastan-e-haram pe la Dala

āstān-e-haram pe lā Daalā

kaam kar hī ga.ī butoñ se yaas

ham ne paayā hai pariyoñ ko hairān

ham ne dekhā hai gulshanoñ ko udaas

apne māhaul par asar-andāz

kyoñ na mard-e-niko kī ho bū-bās

daur-e-nau rāhbar na.e DhūñDhe

ḳhizr hai kaam kā na aaj ilyās

chār-dīvārī ek ne.amat-e-jāñ

apnā ghar apne vāste ruhtās

taaza paanī ġharīb ko hai sharāb

jām-e-jam se nahīñ kam us ko taas

is imārat ne umr paa.ī tavīl

raast buniyād thī jo sidq-ehsās

khā ga.ī mujh ko terī bhūkī nigāh

zāl-e-duniyā tirā ho satyanās

aastan-e-haram pe la Dala

kaam kar hi gai buton se yas

hum ne paya hai pariyon ko hairan

hum ne dekha hai gulshanon ko udas

apne mahaul par asar-andaz

kyon na mard-e-niko ki ho bu-bas

daur-e-nau rahbar nae DhunDhe

KHizr hai kaam ka na aaj ilyas

chaar-diwari ek neamat-e-jaan

apna ghar apne waste ruhtas

taza pani gharib ko hai sharab

jam-e-jam se nahin kam us ko tas

is imarat ne umr pai tawil

rast buniyaad thi jo sidq-ehsas

kha gai mujh ko teri bhuki nigah

zal-e-duniya tera ho satyanas