aata chala gaya hai wo KHush-fikr dhyan mein

aatā chalā gayā hai vo ḳhush-fikr dhyān meñ

baḌhtī chalī ga.ī hai nafāsat bayān meñ

yuuñ kho gayā huuñ masnavī sahar-ul-bayān meñ

shāmil huuñ jaise maiñ bhī usī dāstān meñ

ik pair chhū gayā hai kisī mah-jamāl kā

ab jashn kā samāñ sā hai kapḌe ke thaan meñ

tujh tak to maiñ pahuñch hī gayā huuñ magar ye kyā

dil sarf ho chukā hai kahīñ darmiyān meñ

ham bhī lavāhiqīn haiñ marhūm ishq ke

likhiye hamārā naam bhī āzurdagān meñ

us naqsh kā numūd se kyā vāsta bhalā

aayā nahīñ jo us nigah-e-mehrbān meñ

āñkhoñ meñ tairte hue Doroñ kī ḳhair ho

mausam ne kuchh kahā to nahīñ tere kaan meñ

aata chala gaya hai wo KHush-fikr dhyan mein

baDhti chali gai hai nafasat bayan mein

yun kho gaya hun masnawi sahar-ul-bayan mein

shamil hun jaise main bhi usi dastan mein

ek pair chhu gaya hai kisi mah-jamal ka

ab jashn ka saman sa hai kapDe ke than mein

tujh tak to main pahunch hi gaya hun magar ye kya

dil sarf ho chuka hai kahin darmiyan mein

hum bhi lawahiqin hain marhum ishq ke

likhiye hamara nam bhi aazurdagan mein

us naqsh ka numud se kya wasta bhala

aaya nahin jo us nigah-e-mehrban mein

aankhon mein tairte hue Doron ki KHair ho

mausam ne kuchh kaha to nahin tere kan mein