aata hai tegh hath mein wo jang-ju liye

aatā hai teġh haath meñ vo jañg-jū liye

jaatā huuñ maiñ bhī sar ke ta.iiñ rū-ba-rū liye

gulzār yak-ba-yak jo mahakne lagā hai yuuñ

sach kah sabā tū phirtī hai yaañ kis kī bū liye

so.e kabhī na saath hamāre ḳhushī se tum

jāveñge gor meñ yahī ham aarzū liye

detā nahīñ hai chain ilāhī maiñ kyā karūñ

phirtā huuñ rāt-din dil-e-betāb kū liye

'āsif' na chhoḌ dast-e-saḳhāvat ko zīnhār

laayā hai kuchh na saath na jāvegā tū liye

aata hai tegh hath mein wo jang-ju liye

jata hun main bhi sar ke tain ru-ba-ru liye

gulzar yak-ba-yak jo mahakne laga hai yun

sach kah saba tu phirti hai yan kis ki bu liye

soe kabhi na sath hamare KHushi se tum

jawenge gor mein yahi hum aarzu liye

deta nahin hai chain ilahi main kya karun

phirta hun raat-din dil-e-betab ku liye

'asif' na chhoD dast-e-saKHawat ko zinhaar

laya hai kuchh na sath na jawega tu liye