aati hai fughan lab pe mere qalb-o-jigar se
aati hai fughan lab pe mere qalb-o-jigar se
Yogendra Bahal Tishna
MORE BYYogendra Bahal Tishna
aatī hai fuġhāñ lab pe mire qalb-o-jigar se
khul jaa.e na ye bhed kahīñ terī nazar se
rakkhā hai tire ġham ko hamesha tar-o-tāza
Tapkā lahū āñkhoñ se kabhī zaḳhm-e-jigar se
le chhoḌ diyā shahr tirā kahne pe tere
ab ho ga.e ham duur bahut tere nagar se
duniyā pe huā raaz mohabbat kā yuuñ ifshā
taḌpāyā bahut tū ne uThāyā hameñ dar se
mansūb haiñ tujh se jo mohabbat ke fasāne
vaqt aayā to likkheñge kabhī ḳhūn-e-jigar se
siine meñ kahīñ ruktā hai sailāb-e-junūñ-ḳhez
dil ḳhuun huā merā mohabbat ke asar se
sailāb-e-havādis bhī huā sharm se paanī
āñkhoñ se mirī ashk kuchh is shaan se barse
aati hai fughan lab pe mere qalb-o-jigar se
khul jae na ye bhed kahin teri nazar se
rakkha hai tere gham ko hamesha tar-o-taza
Tapka lahu aankhon se kabhi zaKHm-e-jigar se
le chhoD diya shahr tera kahne pe tere
ab ho gae hum dur bahut tere nagar se
duniya pe hua raaz mohabbat ka yun ifsha
taDpaya bahut tu ne uThaya hamein dar se
mansub hain tujh se jo mohabbat ke fasane
waqt aaya to likkhenge kabhi KHun-e-jigar se
sine mein kahin rukta hai sailab-e-junun-KHez
dil KHun hua mera mohabbat ke asar se
sailab-e-hawadis bhi hua sharm se pani
aankhon se meri ashk kuchh is shan se barse
Source:
Rooh-e-Ghazal,Pachas Sala Intekhab (Pg. 805)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
