aati nahin hai manzil-e-dar-o-rasan abhi

aatī nahīñ hai manzil-e-dār-o-rasan abhī

phir bhī chalā huuñ bāñdh ke sar se kafan abhī

sahrā-navardiyāñ haiñ na sair-e-chaman abhī

shāyad junūñ se duur hai zauq-e-vatan abhī

saa.e meñ huuñ maiñ kyā shajar-e-sāya-dār ke

har qasr mere haal pe hai ḳhanda-zan abhī

ye baat kyā ki uqda-e-mushkil na khul sake

pahuñchā nahīñ uruuj pe dīvāna-pan abhī

mahfil meñ chheḌ-chhāḌ patango ye be-mahal

hai vaqf-e-girya sham.a sar-e-anjuman abhī

ham sun sake na qulqul-e-mīnā ke shor meñ

kuchh kah rahā thā sāġhar-e-tauba-shikan abhī

tasvīr se kisī kī 'musavvir' hai ham-kalām

tham jā zarā tū gardish-e-charḳh-e-kuhan abhī

aati nahin hai manzil-e-dar-o-rasan abhi

phir bhi chala hun bandh ke sar se kafan abhi

sahra-nawardiyan hain na sair-e-chaman abhi

shayad junun se dur hai zauq-e-watan abhi

sae mein hun main kya shajar-e-saya-dar ke

har qasr mere haal pe hai KHanda-zan abhi

ye baat kya ki uqda-e-mushkil na khul sake

pahuncha nahin uruj pe diwana-pan abhi

mahfil mein chheD-chhaD patango ye be-mahal

hai waqf-e-girya shama sar-e-anjuman abhi

hum sun sake na qulqul-e-mina ke shor mein

kuchh kah raha tha saghar-e-tauba-shikan abhi

taswir se kisi ki 'musawwir' hai ham-kalam

tham ja zara tu gardish-e-charKH-e-kuhan abhi