aatish-e-ishq mein kya kya nahin jalte dekha

ātish-e-ishq meñ kyā kyā nahīñ jalte dekhā

dil to kyā chiiz hai lohe ko pighalte dekhā

qadr-e-duniyā-e-do-roza hai fanā hone se

barg-rezī ko isī baaġh meñ phalte dekhā

roz-e-mahshar kī darāzī kī qasam detā huuñ

kah to de koī ki din hijr kā Dhalte dekhā

kū-e-qātil meñ ye pakvān hai ye khānā hai

bhūnte dekhe jigar hāthoñ ko talte dekhā

hijr-e-jānāñ meñ kahīñ jiine se marnā behtar

zindagānī ke maze ko yahīñ khalte dekhā

parvarish terī hai māhī-o-samundar se inaañ

koī paanī meñ koī aag meñ palte dekhā

chaukḌī bhuul ga.e mere havās-e-ḳhamsa

us kī bagghī ko saḌak par jo nikalte dekhā

misl-e-aurāq-e-shajar ranj-e-ḳhizāñ meñ ai 'rashk'

jis ko dekhā kaf-e-afsos hī malte dekhā

aatish-e-ishq mein kya kya nahin jalte dekha

dil to kya chiz hai lohe ko pighalte dekha

qadr-e-duniya-e-do-roza hai fana hone se

barg-rezi ko isi bagh mein phalte dekha

roz-e-mahshar ki daraazi ki qasam deta hun

kah to de koi ki din hijr ka Dhalte dekha

ku-e-qatil mein ye pakwan hai ye khana hai

bhunte dekhe jigar hathon ko talte dekha

hijr-e-jaanan mein kahin jine se marna behtar

zindagani ke maze ko yahin khalte dekha

parwarish teri hai mahi-o-samundar se inan

koi pani mein koi aag mein palte dekha

chaukDi bhul gae mere hawas-e-KHamsa

us ki bagghi ko saDak par jo nikalte dekha

misl-e-auraq-e-shajar ranj-e-KHizan mein ai 'rashk'

jis ko dekha kaf-e-afsos hi malte dekha