aawaz ke saudagaron mein itni fankari to hai

āvāz ke saudāgaroñ meñ itnī fankārī to hai

sher-o-adab ke naam hī par garm-bāzārī to hai

koī kahe koī sune koī likhe koī paḌhe

har dil ko bahlā.e ġhazal bik jaa.e bechārī to hai

kavvoñ ke aage guñg haiñ kyā tūtiyāñ ki bulbuleñ

ahl-e-chaman haiñ mutma.in rasm-e-suḳhan jaarī to hai

maanā zamīn-e-karbalā par dastaras mumkin nahīñ

lekin sar-e-kūfa yazīdoñ kī amal-dārī to hai

in shā.iroñ meñ ek do shā.er bhī haiñ mahfil-zada

sad-āfrīñ in Thekā-dāroñ meñ ravā-dārī to hai

kis ne kahā 'āzim' ḳhushāmad jī-huzūrī aib hai

rāh-e-talab hamvār karne kī kalā-kārī to hai

aawaz ke saudagaron mein itni fankari to hai

sher-o-adab ke nam hi par garm-bazari to hai

koi kahe koi sune koi likhe koi paDhe

har dil ko bahlae ghazal bik jae bechaari to hai

kawwon ke aage gung hain kya tutiyan ki bulbulen

ahl-e-chaman hain mutmain rasm-e-suKHan jari to hai

mana zamin-e-karbala par dastaras mumkin nahin

lekin sar-e-kufa yazidon ki amal-dari to hai

in shairon mein ek do shaer bhi hain mahfil-zada

sad-afrin in Theka-daron mein rawa-dari to hai

kis ne kaha 'azim' KHushamad ji-huzuri aib hai

rah-e-talab hamwar karne ki kala-kari to hai