aayat hijr ki bayan tafsir ki nahin

āyāt hijr kī bayāñ tafsīr kī nahīñ

dil par guzartī jo bhī vo tahrīr kī nahīñ

koī to bhed hogā ḳhamoshī ke ās-pās

jaltī huī nigāh ne taqrīr kī nahīñ

dastak tire jamāl ne jab bhī zehn pe dī

uTh kar gale lagā liyā tāḳhīr kī nahīñ

tujh ko rakhā sañbhāl ke putlī ke darmiyāñ

ojhal kabhī nigāh se tasvīr kī nahīñ

maiñ to tumhārī qaid meñ jiitā huuñ rāt-din

Dhīlī kabhī ḳhayāl ne zanjīr kī nahīñ

dil meñ rakhā tujhe jo to puujā hai apnā aap

phir maiñ ne apnī zaat kī tahqīr kī nahīñ

terī jafā kī baḳhshī nishānī sañbhāl lī

miTte hue vajūd kī ta.amīr kī nahīñ

dekhā jo puurā ḳhvāb adhūrā hī rah gayā

maiñ ne bhī phir ayaañ kabhī ta.abīr kī nahīñ

vāhid vajūd tere se raushan hai merā dil

tujh bin kisī ko chāhūñ ye taqsīr kī nahīñ

aayat hijr ki bayan tafsir ki nahin

dil par guzarti jo bhi wo tahrir ki nahin

koi to bhed hoga KHamoshi ke aas-pas

jalti hui nigah ne taqrir ki nahin

dastak tere jamal ne jab bhi zehn pe di

uTh kar gale laga liya taKHir ki nahin

tujh ko rakha sanbhaal ke putli ke darmiyan

ojhal kabhi nigah se taswir ki nahin

main to tumhaari qaid mein jita hun raat-din

Dhili kabhi KHayal ne zanjir ki nahin

dil mein rakha tujhe jo to puja hai apna aap

phir main ne apni zat ki tahqir ki nahin

teri jafa ki baKHshi nishani sanbhaal li

miTte hue wajud ki tamir ki nahin

dekha jo pura KHwab adhura hi rah gaya

main ne bhi phir ayan kabhi tabir ki nahin

wahid wajud tere se raushan hai mera dil

tujh bin kisi ko chahun ye taqsir ki nahin