aazmaishen Dheron tajrabe hazaron hain

āzmā.isheñ Dheroñ tajrabe hazāroñ haiñ

sub.h-e-‘ishq ke pīchhe ratjage hazāroñ haiñ

in javān āñkhoñ meñ in sulagte sīnoñ meñ

be-shumār tūfāñ haiñ zalzale hazāroñ haiñ

vo bhī kaise din the ham titliyāñ pakaḌte the

zindagī meñ ab yaaro mas.ale hazāroñ haiñ

'ishq ke samandar kī ḳhaas baat ye bhī hai

koī ik ubhartā hai Dūbte hazāroñ haiñ

haa.e husn-e-jānāñ kī vus’atoñ kā kyā kahnā

ek markaza hai aur dā.ere hazāroñ haiñ

ik 'hayāt' ham hī bas 'ishq meñ nahīñ barbād

ġham-zada bahut se haiñ dil-jale hazāroñ haiñ

aazmaishen Dheron tajrabe hazaron hain

subh-e-‘ishq ke pichhe ratjage hazaron hain

in jawan aankhon mein in sulagte sinon mein

be-shumar tufan hain zalzale hazaron hain

wo bhi kaise din the hum titliyan pakaDte the

zindagi mein ab yaro masale hazaron hain

'ishq ke samandar ki KHas baat ye bhi hai

koi ek ubharta hai Dubte hazaron hain

hae husn-e-jaanan ki wus’aton ka kya kahna

ek markaza hai aur daere hazaron hain

ek 'hayat' hum hi bas 'ishq mein nahin barbaad

gham-zada bahut se hain dil-jale hazaron hain