Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ab aa bhi jao, bahut din hue mile hue bhi

Irfan Sattar

ab aa bhi jao, bahut din hue mile hue bhi

Irfan Sattar

MORE BYIrfan Sattar

    ab aa bhī jaao, bahut din hue mile hue bhī

    bhulā deñge agar dil meñ kuchh gile hue bhī

    hamārī raah alag hai, hamāre ḳhvāb judā

    ham un ke saath na hoñge, jo qāfile hue bhī

    hujūm-e-shahr-e-ḳhirad meñ bhī ham se ahl-e-junūñ

    alag dikheñge, garebāñ jo hoñ sile hue bhī

    hameñ na yaad dilāo hamāre ḳhvāb-e-suḳhan

    ki ek umr hue hoñT tak hile hue bhī

    nazar kii, aur manāzir baat apnī jagah

    hamāre dil ke kahāñ ab, jo silsile hue bhī

    yahāñ hai chāk-e-qafas se udhar ik aur qafas

    so ham ko kyaa, jo chaman meñ hoñ gul khule hue bhī

    hameñ to apne usūloñ jañg jītnī hai

    kise ġharaz, jo koī fat.h ke sile hue bhī

    ab aa bhi jao, bahut din hue mile hue bhi

    bhula hi denge agar dil mein kuchh gile hue bhi

    hamari rah alag hai, hamare KHwab juda

    hum un ke sath na honge, jo qafile hue bhi

    hujum-e-shahr-e-KHirad mein bhi hum se ahl-e-junun

    alag dikhenge, gareban jo hon sile hue bhi

    hamein na yaad dilao hamare KHwab-e-suKHan

    ki ek umr hue honT tak hile hue bhi

    nazar ki, aur manazir ki baat apni jagah

    hamare dil ke kahan ab, jo silsile hue bhi

    yahan hai chaak-e-qafas se udhar ek aur qafas

    so hum ko kya, jo chaman mein hon gul khule hue bhi

    hamein to apne usulon ki jang jitni hai

    kise gharaz, jo koi fath ke sile hue bhi

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now