ab aisī bāteñ koī kare jo sab ke man ko lubhā jaa.eñ
koī to aisā giit chhiḌe vo jis ko suneñ aur aa jaa.eñ
be-tāl hai kaisī ye sargam be-lahrā panjam hai maddham
jo raag hai dīpak is man meñ us raag ko kaise gā jaa.eñ
ab chalnā hai to chalnā hai kyā paañv ke chhāloñ ko dekheñ
is dhartī kī pag-DanDī se koī Thikānā pā jaa.eñ
ye merā lahū vo terā lahū ye merā ghar vo terā hai
jo aag lagī hai donoñ meñ ab jaate jaate bujhā jaa.eñ
ye Dher nahīñ hai miTTī kā ik 'sālik' thak kar soyā hai
kuchh os girā do palkoñ se kuchh phuul yahāñ lahrā jaa.eñ
ab aisi baaten koi kare jo sab ke man ko lubha jaen
koi to aisa git chhiDe wo jis ko sunen aur aa jaen
be-tal hai kaisi ye sargam be-lahra panjam hai maddham
jo rag hai dipak is man mein us rag ko kaise ga jaen
ab chalna hai to chalna hai kya panw ke chhaalon ko dekhen
is dharti ki pag-DanDi se koi Thikana pa jaen
ye mera lahu wo tera lahu ye mera ghar wo tera hai
jo aag lagi hai donon mein ab jate jate bujha jaen
ye Dher nahin hai miTTi ka ek 'salik' thak kar soya hai
kuchh os gira do palkon se kuchh phul yahan lahra jaen
Source:
Aiwan (Pg. 46)
-
Author:
Manazir Ashiq Harganvi & Shahid Nayeem
-
- Edition: 1998
- Publisher: Nirali Duniya
- Year of Publication: 1998
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
