ab apne des ki aab-o-hawa hum ko nahin bhati

ab apne des kī āb-o-havā ham ko nahīñ bhātī

ġhulāmī ek zillat thī sarāpā dard āzādī

qayādat karne vāloñ ko masīhā.ī kā da.avā thā

kisī ne lekin ab tak qaum kī biiḌī nahīñ kaaTī

abhī tak paañv se chimTī haiñ zanjīreñ ġhulāmī kī

din aa jaatā hai āzādī kā āzādī nahīñ aatī

unhīñ aqvām ke rahm-o-karam par ab bhī jiite haiñ

ġhurūr-e-hurriyat ne jin se hāsil kī thī āzādī

bajā-e-fikr-e-nau raj.at-pasandī aam sheva hai

haqīqat meñ musalmāñ har jagah hai kushta-e-māzī

karachi meñ muhājir aur inglistān meñ kaale

tirī taqdīr meñ 'jāmī' likhī hai ḳhāna-barbādī

ab apne des ki aab-o-hawa hum ko nahin bhati

ghulami ek zillat thi sarapa dard aazadi

qayaadat karne walon ko masihai ka dawa tha

kisi ne lekin ab tak qaum ki biDi nahin kaTi

abhi tak panw se chimTi hain zanjiren ghulami ki

din aa jata hai aazadi ka aazadi nahin aati

unhin aqwam ke rahm-o-karam par ab bhi jite hain

ghurur-e-hurriyat ne jin se hasil ki thi aazadi

baja-e-fikr-e-nau rajat-pasandi aam shewa hai

haqiqat mein musalman har jagah hai kushta-e-mazi

karachi mein muhajir aur inglistan mein kale

teri taqdir mein 'jami' likhi hai KHana-barbaadi