ab apni chiKH bhi kya apni be zabani kya
ab apnī chīḳh bhī kyā apnī be zabānī kyā
mahz asīroñ kī mahsūr zindagānī kyā
ruteñ jo tū ne utārī haiñ ḳhuub hoñgī magar
babūl-sej pe sajtī hai gul-fishānī kyā
hai jism ek tazādāt ke ka.ī ḳhāne
karegā par inheñ ik rañg-e-āsmānī kyā
hazār karvaTeñ jhankār hī sunātī haiñ
yuuñ jhaTpaTāne se zanjīr hogī paanī kyā
zamīñ ke aur taqāze falak kuchh aur kahe
qalam bhī chup hai ki ab moḌ le kahānī kyā
anā to qaid kī tash.hīr se gurezāñ thī
pukār uTThī magar merī be-zabānī kyā
maiñ ḳhushk naḳhl sī jañgal tavīl tez havā
bikher degī mujhe bhī ye be-makānī kyā
ab apni chiKH bhi kya apni be zabani kya
mahz asiron ki mahsur zindagani kya
ruten jo tu ne utari hain KHub hongi magar
babul-sej pe sajti hai gul-fishani kya
hai jism ek tazadat ke kai KHane
karega par inhen ek rang-e-asmani kya
hazar karwaTen jhankar hi sunati hain
yun jhaTpaTane se zanjir hogi pani kya
zamin ke aur taqaze falak kuchh aur kahe
qalam bhi chup hai ki ab moD le kahani kya
ana to qaid ki tashhir se gurezan thi
pukar uTThi magar meri be-zabani kya
main KHushk naKHl si jangal tawil tez hawa
bikher degi mujhe bhi ye be-makani kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
