ab chhoD tasawwur mein marna maidan mein nikal aa jine ko

ab chhoḌ tasavvur meñ marnā maidāñ meñ nikal aa jiine ko

tūfān ke siine par khenā hai tujh ko apne safīne ko

girtoñ kā sañbhalnā ḳhuub sahī lekin ye sañbhalne ko girnā

hairat hai ki chāhā kyoñ tū ne jiine ke aise qarīne ko

kyoñ larza-bar-andām hai yuuñ phailī huī dekh ke tārīkī

ban sub.h kī pahlī rupahlī kiran aur chiir de raat ke siine ko

pāmāl chaman meñ tere agar aa.e to bahār-e-nau aa.e

shabnam kī bajā.e ġhunchoñ ko tāroñ kā lahū de piine ko

har-chand pasand haiñ tujh ko 'nazar' ye ḳhaak ye chaak garebāñ ke

yuuñ manzar-e-‘ām pe laane se kyā barbādī-e-dil ke ḳhazīne ko

ab chhoD tasawwur mein marna maidan mein nikal aa jine ko

tufan ke sine par khena hai tujh ko apne safine ko

girton ka sanbhalna KHub sahi lekin ye sanbhalne ko girna

hairat hai ki chaha kyon tu ne jine ke aise qarine ko

kyon larza-bar-andam hai yun phaili hui dekh ke tariki

ban subh ki pahli rupahli kiran aur chir de raat ke sine ko

pamal chaman mein tere agar aae to bahaar-e-nau aae

shabnam ki bajae ghunchon ko taron ka lahu de pine ko

har-chand pasand hain tujh ko 'nazar' ye KHak ye chaak gareban ke

yun manzar-e-‘am pe lane se kya barbaadi-e-dil ke KHazine ko