ab dil ko humne banda-e-jaanan bana diya

Iqbal Sohail

ab dil ko humne banda-e-jaanan bana diya

Iqbal Sohail

MORE BYIqbal Sohail

    ab dil ko ham ne banda-e-jānāñ banā diyā

    ik kāfir-e-azal ko musalmāñ banā diyā

    dushvāriyoñ ko ishq ne āsāñ banā diyā

    ġham ko surūr dard ko darmāñ banā diyā

    is jāñ-fazā itaab ke qurbān jā.iye

    abrū har shikan ko rag-e-jāñ banā diyā

    barq-e-jamāl-e-yār ye jalva hai hijāb

    chashm-e-adā-shanās ko hairāñ banā diyā

    ai zauq-e-jushtujū tirī himmat pe āfrīñ

    manzil ko har qadam pe gurezāñ banā diyā

    uTThī thī bahr-e-husn se ik mauj-e-be-qarār

    fitrat ne is ko paikar-e-insāñ banā diyā

    ai soz-e-nā-tamām kahāñ jaa.e ab ḳhalīl

    ātish-kade ko bhī to gulistāñ banā diyā

    vāraftgān-e-shauq ko kyā dair kyā haram

    jis dar pe sadā dar-e-jānāñ banā diyā

    aañsū kyā bisāt magar josh-e-ishq ne

    qatre ko mauj mauj ko tūfāñ banā diyā

    kyā ek maiñ maiñ huuñ is ā.īna-ḳhāne meñ

    mujh ko to kashf-e-rāz ne hairāñ banā diyā

    ab dil ko hum ne banda-e-jaanan bana diya

    ek kafir-e-azal ko musalman bana diya

    dushwariyon ko ishq ne aasan bana diya

    gham ko surur dard ko darman bana diya

    is jaan-faza itab ke qurban jaiye

    abru ki har shikan ko rag-e-jaan bana diya

    barq-e-jamal-e-yar ye jalwa hai ya hijab

    chashm-e-ada-shanas ko hairan bana diya

    ai zauq-e-jushtuju teri himmat pe aafrin

    manzil ko har qadam pe gurezan bana diya

    uTThi thi bahr-e-husn se ek mauj-e-be-qarar

    fitrat ne is ko paikar-e-insan bana diya

    ai soz-e-na-tamam kahan jae ab KHalil

    aatish-kade ko bhi to gulistan bana diya

    waraftgan-e-shauq ko kya dair kya haram

    jis dar pe di sada dar-e-jaanan bana diya

    aansu ki kya bisat magar josh-e-ishq ne

    qatre ko mauj mauj ko tufan bana diya

    kya ek main hi main hun is aaina-KHane mein

    mujh ko to kashf-e-raaz ne hairan bana diya

    RECITATIONS

    Nomaan Shauque

    Nomaan Shauque

    Nomaan Shauque

    ab dil ko humne banda-e-jaanan bana diya Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY