ab humse bar-e-dahr uThaya na jaega

ab ham se bār-e-dahr uThāyā na jā.egā

is lauh-e-dil se tum ko miTāyā na jā.egā

dil meñ ḳhushī ke saath ġham-e-zindagī bhī hai

yaad aa ga.e ho tum to bhulāyā na jā.egā

jalte hue charāġh bujhā.e bahut magar

dil jal gayā agar to bujhāyā na jā.egā

aksar mile haiñ dil ye judā.ī ke vāste

dil mil ga.e to haath milāyā na jā.egā

ham is tarah se aap ko jā.eñge chhoḌ kar

dīvār TuuT jā.egī saaya na jā.egā

ab hum se bar-e-dahr uThaya na jaega

is lauh-e-dil se tum ko miTaya na jaega

dil mein KHushi ke sath gham-e-zindagi bhi hai

yaad aa gae ho tum to bhulaya na jaega

jalte hue charagh bujhae bahut magar

dil jal gaya agar to bujhaya na jaega

aksar mile hain dil ye judai ke waste

dil mil gae to hath milaya na jaega

hum is tarah se aap ko jaenge chhoD kar

diwar TuT jaegi saya na jaega