ab jahan hun wahan se hilunga nahin main milunga nahin

ab jahāñ huuñ vahāñ se hilūñgā nahīñ maiñ milūñgā nahīñ

nā-shagufta huuñ ya.anī khilūñgā nahīñ maiñ milūñgā nahīñ

ye jo apne ta.iiñ ek shahkār huuñ ye maiñ be-kār huuñ

aur tār-e-baqā se silūñgā nahīñ maiñ milūñgā nahīñ

log pūchheñge merā charāgāhoñ se par maiñ jaate samay

raah ke peḌ se bhī milūñgā nahīñ maiñ milūñgā nahīñ

mere tan par havas kī taheñ ban ga.iiñ aur ab jab talak

ishq ke nāḳhunoñ se chhilūñgā nahīñ maiñ milūñgā nahīñ

vāqif-e-lazzat-e-vasl huuñ to sahī hai yahī zindagī

par hasīnoñ kā ehsān lūñgā nahīñ maiñ milūñgā nahīñ

ab jahan hun wahan se hilunga nahin main milunga nahin

na-shagufta hun yani khilunga nahin main milunga nahin

ye jo apne tain ek shahkar hun ye main be-kar hun

aur tar-e-baqa se silunga nahin main milunga nahin

log puchhenge mera charagahon se par main jate samay

rah ke peD se bhi milunga nahin main milunga nahin

mere tan par hawas ki tahen ban gain aur ab jab talak

ishq ke naKHunon se chhilunga nahin main milunga nahin

waqif-e-lazzat-e-wasl hun to sahi hai yahi zindagi

par hasinon ka ehsan lunga nahin main milunga nahin