ab kahan log wo girton ko uThane wale

ab kahāñ log vo girtoñ ko uThāne vaale

kaise badleñ haiñ tire ba.ad zamāne vaale

apnī yādoñ ke nagar se to nikālo mujh ko

taḳhtī-e-dil se mirā naam miTāne vaale

rakh liyā kuchh to bharam yaar ajal ne terā

ham tire ḳhat the sabhī aaj jalāne vaale

ek shā.ir kī mohabbat meñ magan hai laḌkī

naam lete haiñ tirā baat batāne vaale

chun liyā ham ne mohabbat kā ḳhudā tujh ko aur

tā-qayāmat haiñ kahī apnī nibhāne vaale

merī tasvīr lagā kar vo bahāne se gale

merā maazī haiñ mujhe aaj dikhāne vaale

dekh kaisā hai tirā haal bichhaḌ kar mujh se

pyaar 'ambar' kā zamāne se chhupāne vaale

ab kahan log wo girton ko uThane wale

kaise badlen hain tere baad zamane wale

apni yaadon ke nagar se to nikalo mujh ko

taKHti-e-dil se mera nam miTane wale

rakh liya kuchh to bharam yar ajal ne tera

hum tere KHat the sabhi aaj jalane wale

ek shair ki mohabbat mein magan hai laDki

nam lete hain tera baat batane wale

chun liya hum ne mohabbat ka KHuda tujh ko aur

ta-qayamat hain kahi apni nibhane wale

meri taswir laga kar wo bahane se gale

mera mazi hain mujhe aaj dikhane wale

dekh kaisa hai tera haal bichhaD kar mujh se

pyar 'ambar' ka zamane se chhupane wale