ab ke bazar mein ye turfa tamasha dekha

ab ke bāzār meñ ye turfa tamāshā dekhā

bechne nikle to yūsuf kā ḳharīdār na thā

dosto rasm-e-mohabbat pe ye kyā bait ga.ī

shahr-e-yārāñ meñ koī shaḳhs sar-e-dār na thā

aur bhī log the taufīq-e-vafā rakhte the

ek maiñ hī to tire ġham kā sazā-vār na thā

dil ke kahne pe lagā lī hai vafā kī tohmat

varna jiinā to mujhe bā.is-e-āzār na thā

maslahat-kesh bane baiThe haiñ sab ahl-e-vafā

itnā rusvā to kabhī ishq kā pindār na thā

tujh ko chāhā to kisī aur ko chāhā na gayā

maiñ to fankār thā 'ġhālib' kā taraf-dār na thā

ab ke bazar mein ye turfa tamasha dekha

bechne nikle to yusuf ka KHaridar na tha

dosto rasm-e-mohabbat pe ye kya bait gai

shahr-e-yaran mein koi shaKHs sar-e-dar na tha

aur bhi log the taufiq-e-wafa rakhte the

ek main hi to tere gham ka saza-war na tha

dil ke kahne pe laga li hai wafa ki tohmat

warna jina to mujhe bais-e-azar na tha

maslahat-kesh bane baiThe hain sab ahl-e-wafa

itna ruswa to kabhi ishq ka pindar na tha

tujh ko chaha to kisi aur ko chaha na gaya

main to fankar tha 'ghaalib' ka taraf-dar na tha