ab ke baras hun jitna tanha
ab ke baras huuñ jitnā tanhā
pahle kahāñ thā utnā tanhā
duniyā ek samundar jis meñ
maiñ huuñ koī jazīra tanhā
ziist safar hai tanhā.ī kā
aanā tanhā jaanā tanhā
us ko batāo jism se kaT kar
rah nahīñ saktā saaya tanhā
uf ye mauj-e-tūfān-e-alam
haa.e dil kā safīna tanhā
jis ko chāhā jaan se baḌh kar
āḳhir us ne chhoḌā tanhā
ghar se bāhar niklo kisī din
itnā bhī kyā rahnā tanhā
ab vo kahīñ aur maiñ huuñ kahīñ
umr kaTegī tanhā tanhā
'kāshir' kī hai apnī hī duniyā
hogā kahīñ par baiThā tanhā
ab ke baras hun jitna tanha
pahle kahan tha utna tanha
duniya ek samundar jis mein
main hun koi jazira tanha
zist safar hai tanhai ka
aana tanha jaana tanha
us ko batao jism se kaT kar
rah nahin sakta saya tanha
uf ye mauj-e-tufan-e-alam
hae dil ka safina tanha
jis ko chaha jaan se baDh kar
aaKHir us ne chhoDa tanha
ghar se bahar niklo kisi din
itna bhi kya rahna tanha
ab wo kahin aur main hun kahin
umr kaTegi tanha tanha
'kashir' ki hai apni hi duniya
hoga kahin par baiTha tanha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
