ab ke bikhra to main yakja nahin ho paunga

ab ke bikhrā to maiñ yakjā nahīñ ho pā.ūñgā

tere hāthoñ se bhī vaisā nahīñ ho pā.ūñgā

mujh ko bīmār karegī tirī aadat ik din

aur phir tujh se bhī achchhā nahīñ ho pā.ūñgā

ye to mumkin hai ki ho jā.ūñ tirā ḳhair-andesh

haañ magar is se ziyāda nahīñ ho pā.ūñgā

ab mirī zaat meñ bas ek kī gunjā.ish hai

maiñ huā dhuup to saaya nahīñ ho pā.ūñgā

yuuñ to mushkil hī bahut hai mirā haath aanā aur

haath aayā to gavāra nahīñ ho pā.ūñgā

tū baḌī der se aayā mujhe zinda karne

ab namī pā ke bhī sabza nahīñ ho pā.ūñgā

mujh meñ itnī nahīñ tāsīr masīhā.ī kī

zaḳhm bhar saktā huuñ iisā nahīñ ho pā.ūñgā

in dinoñ aql kī chaltī hai hukūmat dil pe

maiñ jo chāhūñ bhī tumhārā nahīñ ho pā.ūñgā

itnā ābād hai tujh se mire andar kā shahr

tujh se bichhḌā bhī to sahrā nahīñ ho pā.ūñgā

ab ke bikhra to main yakja nahin ho paunga

tere hathon se bhi waisa nahin ho paunga

mujh ko bimar karegi teri aadat ek din

aur phir tujh se bhi achchha nahin ho paunga

ye to mumkin hai ki ho jaun tera KHair-andesh

han magar is se ziyaada nahin ho paunga

ab meri zat mein bas ek ki gunjaish hai

main hua dhup to saya nahin ho paunga

yun to mushkil hi bahut hai mera hath aana aur

hath aaya to gawara nahin ho paunga

tu baDi der se aaya mujhe zinda karne

ab nami pa ke bhi sabza nahin ho paunga

mujh mein itni nahin tasir masihai ki

zaKHm bhar sakta hun isa nahin ho paunga

in dinon aql ki chalti hai hukumat dil pe

main jo chahun bhi tumhaara nahin ho paunga

itna aabaad hai tujh se mere andar ka shahr

tujh se bichhDa bhi to sahra nahin ho paunga