ab ke kaam aaenge yaron mein bhi do chaar ke sar

ab ke kaam ā.eñge yāroñ meñ bhī do chaar ke sar

yuuñ hī kāñdhoñ pe liye phirte haiñ bekār ke sar

kyā milegā dar-o-dīvār se yuuñ maar ke sar

apne phir apne haiñ ho jā.iye aġhyār ke sar

'zauq' sāhib ko suḳhan-fahmoñ se aatā hai hijāb

saare ilzām haiñ 'ġhālib' ke taraf-dār ke sar

ghar ko sahrā meñ badalnā bhī hameñ aatā hai

dar nahīñ degī to ho jā.eñge dīvār ke sar

mā'rke un ke sahī jin ko milī hai talvār

jang to ḳhair se jīteñge hamīñ haar ke sar

mehr-o-iḳhlās ko dā've kī zarūrat hī nahīñ

jins to vo hai jo ho jaa.e ḳharīdār ke sar

sar ko ḳham kiije to dastār bañdhe sar pe 'shujā'

boliye kyā hai 'azīz aap ko dastār ki sar

ab ke kaam aaenge yaron mein bhi do chaar ke sar

yun hi kandhon pe liye phirte hain bekar ke sar

kya milega dar-o-diwar se yun mar ke sar

apne phir apne hain ho jaiye aghyar ke sar

'zauq' sahib ko suKHan-fahmon se aata hai hijab

sare ilzam hain 'ghaalib' ke taraf-dar ke sar

ghar ko sahra mein badalna bhi hamein aata hai

dar nahin degi to ho jaenge diwar ke sar

ma'rke un ke sahi jin ko mili hai talwar

jang to KHair se jitenge hamin haar ke sar

mehr-o-iKHlas ko da'we ki zarurat hi nahin

jins to wo hai jo ho jae KHaridar ke sar

sar ko KHam kije to dastar bandhe sar pe 'shuja'

boliye kya hai 'aziz aap ko dastar ki sar