ab ke maidan raha lashkar-e-aghyar ke hath
ab ke maidān rahā lashkar-e-aġhyār ke haath
girvī us paar paḌe the mire sālār ke haath
zehn is ḳhauf se hone lage banjar ki yahāñ
achchhī taḳhlīq par kaT jaate haiñ me.amār ke haath
ab sar-e-qarya-e-be-dast paḌā hai kashkol
roz kaT jaate the is shahr meñ do-chār ke haath
luuT kuchh aisī machī shahr kā dar khulte hī
har taraf se nikal aa.e dar-o-dīvār ke haath
ham sar-e-shāḳh-e-sināñ qarya-ba-qarya mahke
ham ne is jañg meñ sar jiit liye haar ke haath
sāya-sozī meñ to ham log the sūraj ke halīf
ab hadaf Thahre ki jab jal ga.e ashjār ke haath
ab ke maidan raha lashkar-e-aghyar ke hath
girwi us par paDe the mere salar ke hath
zehn is KHauf se hone lage banjar ki yahan
achchhi taKHliq par kaT jate hain meamar ke hath
ab sar-e-qarya-e-be-dast paDa hai kashkol
roz kaT jate the is shahr mein do-chaar ke hath
luT kuchh aisi machi shahr ka dar khulte hi
har taraf se nikal aae dar-o-diwar ke hath
hum sar-e-shaKH-e-sinan qarya-ba-qarya mahke
hum ne is jang mein sar jit liye haar ke hath
saya-sozi mein to hum log the suraj ke halif
ab hadaf Thahre ki jab jal gae ashjar ke hath
Source:
Pakistani Adab (Pg. 413)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
