ab KHana-ba-doshon ka pata hai na KHabar hai
ab ḳhāna-ba-doshoñ kā pata hai na ḳhabar hai
koī hai nazar-band koī shahr-badar hai
phir fasl-e-bahār aa.ī parinde nahīñ aa.e
vīrān abhī tak mire āñgan kā shajar hai
qāmat hī mayassar hai use aur na chehra
ye kaun sī maḳhlūq hai kaisā ye nagar hai
maiñ dhuup uThā.e hue chup-chāp khaḌā huuñ
is dasht meñ hastī mirī mānind-e-shajar hai
phir dekhnā ye umr bhī baḌh jā.egī kuchh roz
us shaḳhs ke lauT aane kā imkān agar hai
jo shahr thā vo qarya-e-vīrān hai 'zulfī'
jo ghar thā kisī daur meñ ab rāhguzar hai
ab KHana-ba-doshon ka pata hai na KHabar hai
koi hai nazar-band koi shahr-badar hai
phir fasl-e-bahaar aai parinde nahin aae
viran abhi tak mere aangan ka shajar hai
qamat hi mayassar hai use aur na chehra
ye kaun si maKHluq hai kaisa ye nagar hai
main dhup uThae hue chup-chap khaDa hun
is dasht mein hasti meri manind-e-shajar hai
phir dekhna ye umr bhi baDh jaegi kuchh roz
us shaKHs ke lauT aane ka imkan agar hai
jo shahr tha wo qarya-e-viran hai 'zulfi'
jo ghar tha kisi daur mein ab rahguzar hai
Source:
Funoon (Monthly) (Pg. 241)
- Author: Ahmad Nadeem Qasmi
-
- Edition: 25Edition Nov. Dec. 1986
- Publisher: 4 Maklood Road, Lahore
- Year of Publication: 25Edition Nov. Dec. 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
