ab kis ki justuju ho teri justuju ke baad

ab kis kī justujū ho tirī justujū ke ba.ad

jachtā nahīñ hai koī tirī aarzū ke ba.ad

tark-e-vafā ke ba.ad hai tajdīd-e-iltifāt

misl-e-libās-e-kohna jo pahnā rafū ke ba.ad

karte haiñ bahkī bahkī sī bāteñ janāb-e-shaiḳh

aate haiñ aap hosh meñ sarf-e-subū ke ba.ad

lāzim nahīñ ki jañg-o-jadal se hī kaam leñ

ho jaa.e mas.aloñ kā jo hal guftugū ke ba.ad

dil apnā hī raqīb yuuñ hone lagā 'haqīr'

koī shaqī kabhī na rahā us adū ke ba.ad

ab kis ki justuju ho teri justuju ke baad

jachta nahin hai koi teri aarzu ke baad

tark-e-wafa ke baad hai tajdid-e-iltifat

misl-e-libas-e-kohna jo pahna rafu ke baad

karte hain bahki bahki si baaten janab-e-shaiKH

aate hain aap hosh mein sarf-e-subu ke baad

lazim nahin ki jang-o-jadal se hi kaam len

ho jae masalon ka jo hal guftugu ke baad

dil apna hi raqib yun hone laga 'haqir'

koi shaqi kabhi na raha us adu ke baad