ab kisi ko nahin mera afsos

Siraj Faisal Khan

ab kisi ko nahin mera afsos

Siraj Faisal Khan

MORE BYSiraj Faisal Khan

    ab kisī ko nahīñ mirā afsos

    jaan kar ye bahut huā afsos

    dukh nahīñ ye jahāñ muḳhālif hai

    saath apne nahīñ ḳhudā afsos

    laḌ ke barbād ho ga.e jab ham

    saath mil kar kiyā gayā afsos

    jab bhī ḳhushiyoñ ne dar pe dastak

    sāmne aa khaḌā huā afsos

    ham faqat jañg nahīñ haare

    hausla bhī bikhar gayā afsos

    ik ġhazal aur ho ga.ī ham se

    sher koī nahīñ huā afsos

    aap ko maiñ ne Thes pahuñchā.ī

    maiñ ne behad burā kiyā afsos

    ḳhūb-sūrat bahut nazar aa.e

    jab mirā dil nahīñ rahā afsos

    mujh ko ḳhud par yaqīñ nahīñ jānāñ

    tum ne mujh par yaqīñ kiyā afsos

    maiñ ne baaqī nahīñ rakhā kuchh bhī

    aap ne kuchh nahīñ kiyā afsos

    hai sharminda ilm hai lekin

    nazar se utar gayā afsos

    aadmī 'sirāj' achchhā thā

    itnī jaldī guzar gayā afsos

    fātiha paḌh ki phuul rakh mujh par

    aa gayā hai to kuchh jatā afsos

    us ne barbād kar diyā mujh ko

    us ko is nahīñ zarā afsos

    mujh ko tum par bahut bharosa thā

    tum ne māyūs kar diyā afsos

    ai ḳhudā hai hasīñ tirī duniyā

    par mirā uchaT gayā afsos

    ab kisi ko nahin mera afsos

    jaan kar ye bahut hua afsos

    dukh nahin ye jahan muKHalif hai

    sath apne nahin KHuda afsos

    laD ke barbaad ho gae jab hum

    sath mil kar kiya gaya afsos

    jab bhi KHushiyon ne dar pe dastak di

    samne aa khaDa hua afsos

    hum faqat jang hi nahin haare

    hausla bhi bikhar gaya afsos

    ek ghazal aur ho gai hum se

    sher koi nahin hua afsos

    aap ko main ne Thes pahunchai

    main ne behad bura kiya afsos

    KHub-surat bahut nazar aae

    jab mera dil nahin raha afsos

    mujh ko KHud par yaqin nahin jaanan

    tum ne mujh par yaqin kiya afsos

    main ne baqi nahin rakha kuchh bhi

    aap ne kuchh nahin kiya afsos

    tu hai sharminda ilm hai lekin

    tu nazar se utar gaya afsos

    aadmi tu 'siraj' achchha tha

    itni jaldi guzar gaya afsos

    fatiha paDh ki phul rakh mujh par

    aa gaya hai to kuchh jata afsos

    us ne barbaad kar diya mujh ko

    us ko is ka nahin zara afsos

    mujh ko tum par bahut bharosa tha

    tum ne mayus kar diya afsos

    ai KHuda hai hasin teri duniya

    par mera ji uchaT gaya afsos

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY