ab kisi sar mein fasadat ki uftad na ho

ab kisī sar meñ fasādāt kī uftād na ho

aish se raat guzar jaa.e tirī yaad na ho

mujh ko sahrā-e-arab qais kā taabe na kare

mere hoñToñ pe koī lailavī fariyād na ho

un siyah zulfoñ ko allāh salāmat rakkhe

dām-e-nau shahr-e-dil-āvez meñ ījād na ho

rasm-e-iz.hār-e-tamanna hī miTā dī jaa.e

koī aañsū tirī dahlīz pe barbād na ho

merī hastī ko kabhī hast kī manzil na mile

un laboñ se bhī mire baare meñ irshād na ho

aaj kī shab ho mujhe hosh se āzādī nasīb

aaj kī shab to mire dard meñ imdād na ho

thā baḌā zo'm mire dil ko tire pahlū meñ

aql sau baar ye kahtī bhī rahī shaad na ho

ab kisi sar mein fasadat ki uftad na ho

aish se raat guzar jae teri yaad na ho

mujh ko sahra-e-arab qais ka tabe na kare

mere honTon pe koi lailawi fariyaad na ho

un siyah zulfon ko allah salamat rakkhe

dam-e-nau shahr-e-dil-awez mein ijad na ho

rasm-e-izhaar-e-tamanna hi miTa di jae

koi aansu teri dahliz pe barbaad na ho

meri hasti ko kabhi hast ki manzil na mile

un labon se bhi mere bare mein irshad na ho

aaj ki shab ho mujhe hosh se aazadi nasib

aaj ki shab to mere dard mein imdad na ho

tha baDa zo'm mere dil ko tere pahlu mein

aql sau bar ye kahti bhi rahi shad na ho