ab koi aarzu nahin zauq-e-payam ke siwa

Hafeez Hoshiarpuri

ab koi aarzu nahin zauq-e-payam ke siwa

Hafeez Hoshiarpuri

MORE BY Hafeez Hoshiarpuri

    ab koī aarzū nahīñ zauq-e-payām ke sivā

    ab koī justujū nahīñ shauq-e-salām ke sivā

    koī sharīk-e-ġham nahīñ ab terī yaad ke sivā

    koī anīs-e-dil nahīñ ab tere naam ke sivā

    kāhish-e-ārzū sahī hāsil-e-zindagī magar

    hāsil-e-ārzū hai kyā soz-e-mudām ke sivā

    aah koī na kar sakā chāra-e-talḳhī-e-firāq

    nāla-e-sub.h ke baġhair giriya-e-shām ke sivā

    terī nigāh-e-mast se mujh pe ye raaz khul gayā

    aur bhī gardisheñ haiñ kuchh gardish-e-jām ke sivā

    rañg-e-bahār par na phuul bū-e-chaman se darguzar

    ye bhī haiñ ḳhushnumā fareb-e-dāna-o-dām ke sivā

    mar ke hayāt-e-jāvidāñ ishq ko mil ga.ī 'hafīz'

    ke hosh ko kyā milā marg-e-davām ke sivā

    ab koi aarzu nahin zauq-e-payam ke siwa

    ab koi justuju nahin shauq-e-salam ke siwa

    koi sharik-e-gham nahin ab teri yaad ke siwa

    koi anis-e-dil nahin ab tere nam ke siwa

    kahish-e-arzu sahi hasil-e-zindagi magar

    hasil-e-arzu hai kya soz-e-mudam ke siwa

    aah koi na kar saka chaara-e-talKHi-e-firaq

    nala-e-subh ke baghair giriya-e-sham ke siwa

    teri nigah-e-mast se mujh pe ye raaz khul gaya

    aur bhi gardishen hain kuchh gardish-e-jam ke siwa

    rang-e-bahaar par na phul bu-e-chaman se darguzar

    ye bhi hain KHushnuma fareb-e-dana-o-dam ke siwa

    mar ke hayat-e-jawidan ishq ko mil gai 'hafiz'

    ji ke hosh ko kya mila marg-e-dawam ke siwa

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites