ab koi silsila nahin baqi

ab koī silsila nahīñ baaqī

dostoñ meñ vafā nahīñ baaqī

zindagī tujh pe raa.e kyā dū maiñ

ab koī tabsira nahīñ baaqī

vaqt-be-vaqt kyuuñ baraste haiñ

bādaloñ meñ hayā nahīñ baaqī

zindagī tujh se aur laḌne kā

mujh meñ ab hausla nahīñ baaqī

rañj, uljhan, ghuTan, pareshānī

rog koī rahā nahīñ baaqī

apnī manzil ko chhū liyā maiñ ne

koī maqsad rahā nahīñ baaqī

mere dushman ke qalb meñ fil-vaqt

jañg kā hausla nahīñ baaqī

jiit rakkhā hai maiñ ne apne ko

mujh meñ koī anā nahīñ baaqī

ashk āñkhoñ meñ aa ga.e haiñ 'siyā'

zabt dil par zarā nahīñ baaqī

ab koi silsila nahin baqi

doston mein wafa nahin baqi

zindagi tujh pe rae kya du main

ab koi tabsira nahin baqi

waqt-be-waqt kyun baraste hain

baadalon mein haya nahin baqi

zindagi tujh se aur laDne ka

mujh mein ab hausla nahin baqi

ranj, uljhan, ghuTan, pareshani

rog koi raha nahin baqi

apni manzil ko chhu liya main ne

koi maqsad raha nahin baqi

mere dushman ke qalb mein fil-waqt

jang ka hausla nahin baqi

jit rakkha hai main ne apne ko

mujh mein koi ana nahin baqi

ashk aankhon mein aa gae hain 'siya'

zabt dil par zara nahin baqi