ab kya kahen jo mausam-e-gulshan ka haal hai

ab kyā kaheñ jo mausam-e-gulshan kā haal hai

phūloñ se rābta na sabā kā ḳhayāl hai

har aarzū kī aañkh meñ aañsū lahū ke haiñ

kis kā ye dil ke shahr meñ yaum-e-visāl hai

mujh ko kiyā thā qaidī-e-taqdīr kis liye

qudrat se intizār-e-javāb-o-savāl hai

jazboñ kī anjuman meñ usī kī hai raushnī

gul-hā-e-ārzū meñ usī kā jamāl hai

jo buḳhl se kiyā hai ikaTThā tamām umr

terā nahīñ hai vo tire beToñ kā maal hai

har gosha-e-zamīñ pe zarā ġhaur se paḌho

likkhī jo dāstān-e-urūj-o-zavāl hai

'shāhid' vo pūchhte haiñ mirā haal kyā kahūñ

jaisā thā pichhle saal vahī ab ke saal hai

ab kya kahen jo mausam-e-gulshan ka haal hai

phulon se rabta na saba ka KHayal hai

har aarzu ki aankh mein aansu lahu ke hain

kis ka ye dil ke shahr mein yaum-e-visal hai

mujh ko kiya tha qaidi-e-taqdir kis liye

qudrat se intizar-e-jawab-o-sawal hai

jazbon ki anjuman mein usi ki hai raushni

gul-ha-e-arzu mein usi ka jamal hai

jo buKHl se kiya hai ikaTTha tamam umr

tera nahin hai wo tere beTon ka mal hai

har gosha-e-zamin pe zara ghaur se paDho

likkhi jo dastan-e-uruj-o-zawal hai

'shahid' wo puchhte hain mera haal kya kahun

jaisa tha pichhle sal wahi ab ke sal hai