ab main hun aap ek tamasha bana hua

Jagan Nath Azad

ab main hun aap ek tamasha bana hua

Jagan Nath Azad

MORE BYJagan Nath Azad

    ab maiñ huuñ aap ek tamāshā banā huā

    guzrā ye kaun merī taraf dekhtā huā

    kaif-e-ġham-e-firāq lazzat jise milī

    hāsil use visāl nahīñ hai to kyā huā

    ḳhāshāk-e-zindagī to milā us ke saath saath

    terā karam ki dard sho.ala atā huā

    dar tak tire ḳhudī ne na aane diyā jise

    āñkhoñ se ashk ban ke vo sajda adā huā

    shīrīni-e-hayāt lazzat meñ hai kamī

    kuchh is meñ zahr-e-ġham na agar ho milā huā

    kuchh kam nahīñ hoñ lazzat-e-furqat se faiz-yāb

    hāsil agar visāl nahīñ hai to kyā huā

    ab is maqām par hai mirī zindagī ki hai

    har dost ek nāseh-e-mushfiq banā huā

    ye bhī zarā ḳhayāl rahe āzim-e-haram

    raste meñ but-kade bhī dar hai khulā huā

    vo qadd-e-nāz aur vo chehre husn o rañg

    jaise ho phuul shāḳh pe koī khilā huā

    pesh-e-nazar thī manzil-e-jānāñ justujū

    aur phir rahā huuñ apnā pata DhūñDtā huā

    kah kar tamām raat ġhazal sub.h ke qarīb

    'āzād' misl-e-sham-e-sahar huuñ bujhā huā

    ab main hun aap ek tamasha bana hua

    guzra ye kaun meri taraf dekhta hua

    kaif-e-gham-e-firaq ki lazzat jise mili

    hasil use visal nahin hai to kya hua

    KHashak-e-zindagi to mila us ke sath sath

    tera karam ki dard ka shoala ata hua

    dar tak tere KHudi ne na aane diya jise

    aankhon se ashk ban ke wo sajda ada hua

    shirini-e-hayat ki lazzat mein hai kami

    kuchh is mein zahr-e-gham na agar ho mila hua

    kuchh kam nahin hon lazzat-e-furqat se faiz-yab

    hasil agar visal nahin hai to kya hua

    ab is maqam par hai meri zindagi ki hai

    har dost ek naseh-e-mushfiq bana hua

    ye bhi zara KHayal rahe aazim-e-haram

    raste mein but-kade ka bhi dar hai khula hua

    wo qadd-e-naz aur wo chehre ka husn o rang

    jaise ho phul shaKH pe koi khila hua

    pesh-e-nazar thi manzil-e-jaanan ki justuju

    aur phir raha hun apna pata DhunDta hua

    kah kar tamam raat ghazal subh ke qarib

    'azad' misl-e-sham-e-sahar hun bujha hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY