ab marna hai apne KHushi hai jine se be-zari hai

Imdad Ali Bahr

ab marna hai apne KHushi hai jine se be-zari hai

Imdad Ali Bahr

MORE BYImdad Ali Bahr

    ab marnā hai apne ḳhushī hai jiine se be-zārī hai

    ishq meñ aise halke hue haiñ jaan badan ko bhārī hai

    shikve charchā hotī hai chupke rahnā behtar hai

    dil ko jalānā dil-sozī hai ye ġham-e-duniyā ġham-ḳhvārī hai

    kis va.ada kaun aatā hai chain se sotā hogā vo

    raat bahut aa.ī hai ai dil ab nāhaq bedārī hai

    daav thā apnā jab vo ham se chaupaḌ sīkhne aate the

    ab kuchh chaal nahīñ ban aatī jiit ke baazī haarī hai

    luTte dekhā ġhash meñ dekhā marte bhī dekhā us ne mujhe

    itnā na pūchhā kaun hai ye is shaḳhs ko kyā bīmārī hai

    hijr sitam hai kulfat-o-ġham hai kis se kahiye haal apnā

    din ko paḌe rahnā muñh Dhāñke raat ko girya-o-zārī hai

    uTTho kapḌe badlo chalo kyā baiThe ho 'bahr' udaas udaas

    sair ke din haiñ phuul khile haiñ josh pe fasl-e-bahārī hai

    ab marna hai apne KHushi hai jine se be-zari hai

    ishq mein aise halke hue hain jaan badan ko bhaari hai

    shikwe ki charcha hoti hai chupke hi rahna behtar hai

    dil ko jalana dil-sozi hai ye gham-e-duniya gham-KHwari hai

    kis ka wada kaun aata hai chain se sota hoga wo

    raat bahut aai hai ai dil ab nahaq bedari hai

    daw tha apna jab wo hum se chaupaD sikhne aate the

    ab kuchh chaal nahin ban aati jit ke bazi haari hai

    luTte dekha ghash mein dekha marte bhi dekha us ne mujhe

    itna na puchha kaun hai ye is shaKHs ko kya bimari hai

    hijr sitam hai kulfat-o-gham hai kis se kahiye haal apna

    din ko paDe rahna munh Dhanke raat ko girya-o-zari hai

    uTTho kapDe badlo chalo kya baiThe ho 'bahr' udas udas

    sair ke din hain phul khile hain josh pe fasl-e-bahaari hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY