ab mere hone ka imkan kahan hai mujh mein
ab mire hone kā imkān kahāñ hai mujh meñ
maiñ yahāñ huuñ nahīñ hone kā gumāñ hai mujh meñ
mujh meñ jaate hue pairoñ ke nishāñ haiñ us ke
aag to bujh ga.ī par ab bhī dhuāñ hai mujh meñ
maiñ jo hañstī huuñ to hañstī hī chalī jaatī huuñ
ye gavāhī hai ki ik ashk-fishāñ hai mujh meñ
ḳhāksārī se maiñ vābasta huuñ aise jaise
ḳhāksārī se bharā puurā jahāñ hai mujh meñ
ḳhud ko duniyā kī taraf khīñch to laa.ī lekin
koī darvesh kahīñ raqs-kunāñ hai mujh meñ
ab mere hone ka imkan kahan hai mujh mein
main yahan hun nahin hone ka guman hai mujh mein
mujh mein jate hue pairon ke nishan hain us ke
aag to bujh gai par ab bhi dhuan hai mujh mein
main jo hansti hun to hansti hi chali jati hun
ye gawahi hai ki ek ashk-fishan hai mujh mein
KHaksari se main wabasta hun aise jaise
KHaksari se bhara pura jahan hai mujh mein
KHud ko duniya ki taraf khinch to lai lekin
koi darwesh kahin raqs-kunan hai mujh mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
