ab meri yaad ko daman ki hawaen dena

ab mirī yaad ko dāman kī havā.eñ denā

maiñ gayā vaqt huuñ mujh ko na sadā.eñ denā

saḳht be-jalva-o-be-nūr haiñ lamhāt-e-firāq

dil bahal jā.egā chehre kī ziyā.eñ denā

hijr kī pyaas se jalte haiñ bagūloñ ke dahan

ḳhushk sahrāoñ ko zulfoñ kī ghaTā.eñ denā

yaad aate haiñ javānī ke junūñ-ḳhez ayyām

muztarib ho ke bayābāñ ko sadā.eñ denā

phir qadam kū-e-malāmat kī taraf uTThe haiñ

mire maulā mire hisse kī ḳhatā.eñ denā

jāma-zebī pe tirī varna lagegā ilzām

ishq ke paikar-e-uryāñ ko ravā.eñ denā

us kā mujh par baḌā ehsān-e-masīhā.ī hai

mere yaaro mire qātil ko duā.eñ denā

ab meri yaad ko daman ki hawaen dena

main gaya waqt hun mujh ko na sadaen dena

saKHt be-jalwa-o-be-nur hain lamhat-e-firaq

dil bahal jaega chehre ki ziyaen dena

hijr ki pyas se jalte hain bagulon ke dahan

KHushk sahraon ko zulfon ki ghaTaen dena

yaad aate hain jawani ke junun-KHez ayyam

muztarib ho ke bayaban ko sadaen dena

phir qadam ku-e-malamat ki taraf uTThe hain

mere maula mere hisse ki KHataen dena

jama-zebi pe teri warna lagega ilzam

ishq ke paikar-e-uryan ko rawaen dena

us ka mujh par baDa ehsan-e-masihai hai

mere yaro mere qatil ko duaen dena