ab mulaqat kahan shishe se paimane se

Bismil Azimabadi

ab mulaqat kahan shishe se paimane se

Bismil Azimabadi

MORE BYBismil Azimabadi

    ab mulāqāt kahāñ shīshe se paimāne se

    fātiha paḌh ke chale aa.e haiñ mai-ḳhāne se

    kyā kareñ jām-o-subū haath pakaḌ lete haiñ

    to kahtā hai ki uTh jā.iye mai-ḳhāne se

    phūñk kar ham ne har ik gaam pe rakkhā hai qadam

    āsmāñ phir bhī na baaz aayā sitam Dhāne se

    ham ko jab aap bulāte haiñ chale aate haiñ

    aap bhī to kabhī aa jā.iye bulvāne se

    are o va.ada-farāmosh pahāḌ aisī raat

    kyā kahūñ kaise kaTī tere nahīñ aane se

    yaad rakh! vaqt ke andāz nahīñ badleñge

    are allāh ke bande tire ghabrāne se

    sar chaḌhā.eñ kabhī āñkhoñ se lagā.eñ saaqī

    tere hāthoñ chhalak jaa.e jo paimāne se

    ḳhālī rakkhī huī botal ye patā detī hai

    ki abhī uTh ke gayā hai koī mai-ḳhāne se

    aa.egī hashr nāseh samajh meñ kyā ḳhaak

    jab samajhdār samajhte nahīñ samjhāne se

    barq ke Dar se kaleje se lagā.e hue hai

    chaar tinke jo uThā laa.ī hai vīrāne se

    dil zarā bhī na pasījā but-e-kāfir terā

    ka.aba allāh ghar ban gayā but-ḳhāne se

    sham.a bechārī jo ik mūnis-e-tanhā.ī thī

    bujh ga.ī vo bhī sar-e-shām havā aane se

    ġhair kaahe ko suneñge tirā dukhḌā 'bismil'

    un ko fursat kahāñ hai apnī ġhazal gaane se

    ab mulaqat kahan shishe se paimane se

    fatiha paDh ke chale aae hain mai-KHane se

    kya karen jam-o-subu hath pakaD lete hain

    ji to kahta hai ki uTh jaiye mai-KHane se

    phunk kar hum ne har ek gam pe rakkha hai qadam

    aasman phir bhi na baz aaya sitam Dhane se

    hum ko jab aap bulate hain chale aate hain

    aap bhi to kabhi aa jaiye bulwane se

    are o wada-faramosh pahaD aisi raat

    kya kahun kaise kaTi tere nahin aane se

    yaad rakh! waqt ke andaz nahin badlenge

    are allah ke bande tere ghabrane se

    sar chaDhaen kabhi aankhon se lagaen saqi

    tere hathon ki chhalak jae jo paimane se

    KHali rakkhi hui botal ye pata deti hai

    ki abhi uTh ke gaya hai koi mai-KHane se

    aaegi hashr ki naseh ki samajh mein kya KHak

    jab samajhdar samajhte nahin samjhane se

    barq ke Dar se kaleje se lagae hue hai

    chaar tinke jo uTha lai hai virane se

    dil zara bhi na pasija but-e-kafir tera

    kaba allah ka ghar ban gaya but-KHane se

    shama bechaari jo ek munis-e-tanhai thi

    bujh gai wo bhi sar-e-sham hawa aane se

    ghair kahe ko sunenge tera dukhDa 'bismil'

    un ko fursat kahan hai apni ghazal gane se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY