ab na aaega kabhi ruTh ke jaane wala

ab na aa.egā kabhī ruuTh ke jaane vaalā

umr bhar ḳhat vahī paḌhiyegā sirhāne vaalā

vo marāsim bhī nibhātā hai to rasmoñ kī tarah

aa gayā us ko bhī dastūr zamāne vaalā

ye judā hone kī rut hai na dikhāo jī ko

zikr chheḌo na koī agle zamāne vaalā

maiñ ne yādoñ ko kafan de ke sulā rakkhā hai

kaun aa.egā yahāñ milne milāne vaalā

shiddat-e-ġham se pighal jāoge ik din tum bhī

siikh lo ham se hunar hañsne hañsāne vaalā

ḳhuub ujāḌā hai ka.ī baar dayār-e-dil ko

jā basā duur kahīñ ghar ko basāne vaalā

ab to rasman bhī mulāqāt na hogī us se

bas ḳhayāloñ meñ chalā aa.egā jaane vaalā

ab na aaega kabhi ruTh ke jaane wala

umr bhar KHat wahi paDhiyega sirhane wala

wo marasim bhi nibhata hai to rasmon ki tarah

aa gaya us ko bhi dastur zamane wala

ye juda hone ki rut hai na dikhao ji ko

zikr chheDo na koi agle zamane wala

main ne yaadon ko kafan de ke sula rakkha hai

kaun aaega yahan milne milane wala

shiddat-e-gham se pighal jaoge ek din tum bhi

sikh lo hum se hunar hansne hansane wala

KHub ujaDa hai kai bar dayar-e-dil ko

ja basa dur kahin ghar ko basane wala

ab to rasman bhi mulaqat na hogi us se

bas KHayalon mein chala aaega jaane wala