ab parindon ki yahan naql-e-makani kam hai

Abbas Tabish

ab parindon ki yahan naql-e-makani kam hai

Abbas Tabish

MORE BYAbbas Tabish

    ab parindoñ yahāñ naql-e-makānī kam hai

    ham haiñ jis jhiil pe us jhiil meñ paanī kam hai

    ye jo maiñ bhāgtā huuñ vaqt se aage aage

    merī vahshat ke mutābiq ye ravānī kam hai

    de mujhe anjum-o-mahtāb se aage ḳhabar

    mujh se faanī ke liye ālam-e-fānī kam hai

    ġham talḳhī mujhe nashsha nahīñ hone detī

    ye ġhalat hai ki tirī chiiz purānī kam hai

    ġhaib ke baaġh vo bhed khulā hai mujh par

    jis iblāġh parindoñ zabānī kam hai

    hijr ko hausla aur vasl ko fursat darkār

    ik mohabbat ke liye ek javānī kam hai

    itnā mushkil to na thā gum-shudagāñ milnā

    ham ne ai dasht tirī ḳhaak chhānī kam hai

    is samay maut ḳhushbū ke muqābil 'tābish'

    kisī āñgan meñ khilī rāt-kī-rānī kam hai

    ab parindon ki yahan naql-e-makani kam hai

    hum hain jis jhil pe us jhil mein pani kam hai

    ye jo main bhagta hun waqt se aage aage

    meri wahshat ke mutabiq ye rawani kam hai

    de mujhe anjum-o-mahtab se aage ki KHabar

    mujh se fani ke liye aalam-e-fani kam hai

    gham ki talKHi mujhe nashsha nahin hone deti

    ye ghalat hai ki teri chiz purani kam hai

    ghaib ke bagh ka wo bhed khula hai mujh par

    jis ka iblagh parindon ki zabani kam hai

    hijr ko hausla aur wasl ko fursat darkar

    ek mohabbat ke liye ek jawani kam hai

    itna mushkil to na tha gum-shudagan ka milna

    hum ne ai dasht teri KHak hi chhani kam hai

    is samay maut ki KHushbu ke muqabil 'tabish'

    kisi aangan mein khili raat-ki-rani kam hai

    Source :
    • Book : Ishq Abaab (Pg. 547)
    • Author : Abbas Tabish
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now