aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ab qais hai koi na koi aabla-pa hai

Shamim Hanafi

ab qais hai koi na koi aabla-pa hai

Shamim Hanafi

MORE BYShamim Hanafi

    ab qais hai koī na koī ābla-pā hai

    dil aaTh pahar apnī hadeñ DhūñD rahā hai

    ehsās vaadī meñ koī saut na sūrat

    ye manzil-e-irfān tak aane sila hai

    zaḳhmoñ ke bayābāñ meñ koī phuul na patthar

    yādoñ ke jazīre meñ na but haiñ na ḳhudā hai

    ik ḳhaak ke paikar tamāsha hai saḌak par

    har shaḳhs yahāñ qahr tasvīr banā hai

    miTTī ke gharauñde meñ sitāroñ ke diye haiñ

    āñgan meñ añdherā na ujālā na havā hai

    ab anjuman-e-shauq meñ sham.eñ na patiñge

    ab marg-e-musalsal sazā hai na jazā hai

    chashmoñ ko shikāyat hai ki sho.aloñ meñ ghire haiñ

    sahrā ko ye dukh hai ki paḌā suukh rahā hai

    ab naḳhl-e-rah-e-shauq na saa.e na manāzil

    ab ābrū-e-ishq na saudā na vafā hai

    ab paañv musāfir haiñ nafas marhala-e-zīst

    ab vaqt ke hāthoñ pe na ḳhuuñ hai na hinā hai

    ḳhūñ-rañg shafaq-rañg ḳhizāñ-rañg haiñ chehre

    jismoñ pe kafan hai na koī surḳh qabā hai

    sūraj ko hathelī pe lakīroñ tamannā

    ab chāñd thālī meñ kiran hai na diyā hai

    ab dasht ke siine pe faqat aag bichhī hai

    ab naqsh-e-kaf-e-pā hai na ab bāñg-e-darā hai

    har aañkh chalātī huī tashkīk ke neze

    har zehn tajassus ridā oḌh chukā hai

    alfāz ke chehre se ayaañ shān-e-ḳhamoshī

    hoñToñ pe savālāt ik jaal bichhā hai

    kyuuñ shaam ko bāhoñ meñ ulajhne havas hai

    kyuuñ sub.h palkoñ meñ koī ḳhvāb chhupā hai

    kyuuñ raat ke māthe pe chamakte haiñ nagīne

    kyuuñ din ke rag-o-pai meñ koī hashr bapā hai

    mashriq ke darīchoñ se ghuTan jhāñk rahī hai

    maġhrib fazāoñ meñ dhuāñ phail chukā hai

    āshob-e-nazar ho ki tamannāoñ ke nashtar

    har tasht meñ zaḳhmoñ ik ambār lagā hai

    mandir ke gajar ḳhaak par ab chup se paḌe haiñ

    masjid ke manāroñ sirā TuuT chukā hai

    dīvār bhī dīvār se āzād nahīñ hai

    mauhūm ḳhalāoñ meñ bhī zindān-e-havā hai

    suqrāt tah-e-ḳhāk yahī soch rahā hai

    ab zahr faqat pyaas bujhāne davā hai

    ab najd ke sahrā meñ na kāñTe na sadā.eñ

    ab qais hai koī na koī ābla-pā hai

    yuuñ raat jab aa.ī hai to ruknā paḌā hai

    dast-e-tah-e-sañg-āmada paimān-e-vafā hai

    majbūrī o dāvā-e-giraftāri-e-ulfat

    har ahd meñ tahzīb ne ye Dhoñg rachā hai

    ab qais hai koi na koi aabla-pa hai

    dil aaTh pahar apni haden DhunD raha hai

    ehsas ki wadi mein koi saut na surat

    ye manzil-e-irfan tak aane ka sila hai

    zaKHmon ke bayaban mein koi phul na patthar

    yaadon ke jazire mein na but hain na KHuda hai

    ek KHak ke paikar ka tamasha hai saDak par

    har shaKHs yahan qahr ki taswir bana hai

    miTTi ke gharaunde mein sitaron ke diye hain

    aangan mein andhera na ujala na hawa hai

    ab anjuman-e-shauq mein shamen na patinge

    ab marg-e-musalsal ki saza hai na jaza hai

    chashmon ko shikayat hai ki shoalon mein ghire hain

    sahra ko ye dukh hai ki paDa sukh raha hai

    ab naKHl-e-rah-e-shauq na sae na manazil

    ab aabru-e-ishq na sauda na wafa hai

    ab panw musafir hain nafas marhala-e-zist

    ab waqt ke hathon pe na KHun hai na hina hai

    KHun-rang shafaq-rang KHizan-rang hain chehre

    jismon pe kafan hai na koi surKH qaba hai

    suraj ko hatheli pe lakiron ki tamanna

    ab chand ki thaali mein kiran hai na diya hai

    ab dasht ke sine pe faqat aag bichhi hai

    ab naqsh-e-kaf-e-pa hai na ab bang-e-dara hai

    har aankh chalati hui tashkik ke neze

    har zehn tajassus ki rida oDh chuka hai

    alfaz ke chehre se ayan shan-e-KHamoshi

    honTon pe sawalat ka ek jal bichha hai

    kyun sham ko bahon mein ulajhne ki hawas hai

    kyun subh ki palkon mein koi KHwab chhupa hai

    kyun raat ke mathe pe chamakte hain nagine

    kyun din ke rag-o-pai mein koi hashr bapa hai

    mashriq ke darichon se ghuTan jhank rahi hai

    maghrib ki fazaon mein dhuan phail chuka hai

    aashob-e-nazar ho ki tamannaon ke nashtar

    har tasht mein zaKHmon ka ek ambar laga hai

    mandir ke gajar KHak par ab chup se paDe hain

    masjid ke manaron ka sira TuT chuka hai

    diwar bhi diwar se aazad nahin hai

    mauhum KHalaon mein bhi zindan-e-hawa hai

    suqraat tah-e-KHak yahi soch raha hai

    ab zahr faqat pyas bujhane ki dawa hai

    ab najd ke sahra mein na kanTe na sadaen

    ab qais hai koi na koi aabla-pa hai

    yun raat jab aai hai to rukna hi paDa hai

    dast-e-tah-e-sang-amada paiman-e-wafa hai

    majburi o dawa-e-giraftari-e-ulfat

    har ahd mein tahzib ne ye Dhong racha hai

    Videos
    This video is playing from YouTube

    Videos
    This video is playing from YouTube

    Shamim Hanafi

    Shamim Hanafi

    RECITATIONS

    Shamim Hanafi

    Shamim Hanafi,

    Shamim Hanafi

    ab qais hai koi na koi aabla-pa hai Shamim Hanafi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now