ab se pahle wo meri zat pe tari to na tha

ab se pahle vo mirī zaat pe taarī to na thā

dil meñ rahtā thā magar ḳhuun meñ jaarī to na thā

nabz chaltī hai to qadmoñ kī sadā aatī hai

is qadar zaḳhm-e-judā.ī kabhī kaarī to na thā

vo to bādal kā barasnā hai anāsir kā usuul

varna ashkoñ kā namak aañkh pe bhārī to na thā

dil meñ khilte haiñ tirī yaad ke e.ajāz se phuul

is meñ kuchh shā.iba-e-bād-e-bahārī to na thā

ye bhī andar kā koī rog hai varna ham ko

umr-bhar hausla-e-nāla-o-zārī to na thā

ab se pahle wo meri zat pe tari to na tha

dil mein rahta tha magar KHun mein jari to na tha

nabz chalti hai to qadmon ki sada aati hai

is qadar zaKHm-e-judai kabhi kari to na tha

wo to baadal ka barasna hai anasir ka usul

warna ashkon ka namak aankh pe bhaari to na tha

dil mein khilte hain teri yaad ke eajaz se phul

is mein kuchh shaiba-e-baad-e-bahaari to na tha

ye bhi andar ka koi rog hai warna hum ko

umr-bhar hausla-e-nala-o-zari to na tha