ab tak hamari aql se parda haTa nahin

ab tak hamārī aql se parda haTā nahīñ

samjhā usī ko aasrā jo aasrā nahīñ

insāniyat kī had meñ jo banda ḳhudā nahīñ

us kā vajūd us ke kisī kaam kā nahīñ

ḳhud aadmī kā dil hī agar rahnumā nahīñ

duniyā kī rahbarī se use fā.eda nahīñ

āsāñ to hai zabān se kah duuñ ḳhudā nahīñ

mushkil ye aa paḌī hai ki dil māntā nahīñ

iz.hār-e-vāqi.a hai ye tujh se gila nahīñ

duniyā ye kah rahī hai ki us kā ḳhudā nahīñ

tanzīm-e-kā.enāt hamāre sipurd hai

ham se baḌā jahān meñ paidā huā nahīñ

kahte haiñ jis ko arsh mire dil kā naam hai

dil meñ mire nahīñ to kahīñ bhī ḳhudā nahīñ

insāñ kī zaat maz.har-e-takmīl-e-kā.enāt

jis kī ye ibtidā ho to phir intihā nahīñ

sarkash banā rahī haiñ tirī be-niyāziyāñ

vo tujh ko kyā batā.ūñ jo tujh se chhupā nahīñ

kis darja dil-fareb tilism-e-numūd hai

ham toḌnā bhī chāheñ to ye TūTtā nahīñ

ab tak hamari aql se parda haTa nahin

samjha usi ko aasra jo aasra nahin

insaniyat ki had mein jo banda KHuda nahin

us ka wajud us ke kisi kaam ka nahin

KHud aadmi ka dil hi agar rahnuma nahin

duniya ki rahbari se use faeda nahin

aasan to hai zaban se kah dun KHuda nahin

mushkil ye aa paDi hai ki dil manta nahin

izhaar-e-waqia hai ye tujh se gila nahin

duniya ye kah rahi hai ki us ka KHuda nahin

tanzim-e-kaenat hamare sipurd hai

hum se baDa jahan mein paida hua nahin

kahte hain jis ko arsh mere dil ka nam hai

dil mein mere nahin to kahin bhi KHuda nahin

insan ki zat mazhar-e-takmil-e-kaenat

jis ki ye ibtida ho to phir intiha nahin

sarkash bana rahi hain teri be-niyaziyan

wo tujh ko kya bataun jo tujh se chhupa nahin

kis darja dil-fareb tilism-e-numud hai

hum toDna bhi chahen to ye TuTta nahin