ab tere intizar ki aadat nahin rahi

ab tere intizār kī aadat nahīñ rahī

pahle kī tarah goyā mohabbat nahīñ rahī

zauq-e-nazar hamārā baḌhā hai kuchh is tarah

tere jamāl par bhī qanā.at nahīñ rahī

furqat meñ us kī roz hī hotī thī ik ġhazal

ab shā.irī zarīya-e-rāhat nahīñ rahī

duniyā ne tere ġham se bhī begāna kar diyā

ab dil meñ tere vasl kī chāhat nahīñ rahī

kuchh ham bhī thak ga.e tire dar par khaḌe khaḌe

tum meñ bhī pahle jaisī saḳhāvat nahīñ rahī

takte haiñ roz ek hī sūrat alam kī ham

yārab tire jahāñ meñ bhī jiddat nahīñ rahī

ab tere intizar ki aadat nahin rahi

pahle ki tarah goya mohabbat nahin rahi

zauq-e-nazar hamara baDha hai kuchh is tarah

tere jamal par bhi qanaat nahin rahi

furqat mein us ki roz hi hoti thi ek ghazal

ab shairi zariya-e-rahat nahin rahi

duniya ne tere gham se bhi begana kar diya

ab dil mein tere wasl ki chahat nahin rahi

kuchh hum bhi thak gae tere dar par khaDe khaDe

tum mein bhi pahle jaisi saKHawat nahin rahi

takte hain roz ek hi surat alam ki hum

yarab tere jahan mein bhi jiddat nahin rahi