ab to aate hain sabhi dil ko dukhane wale

ab to aate haiñ sabhī dil ko dukhāne vaale

jaane kis raah ga.e naaz uThāne vaale

ishq meñ pahle to bīmār banā dete haiñ

phir palaTte hī nahīñ rog lagāne vaale

kyā guzartī hai kisī par ye kahāñ sochte haiñ

kitne be-dard haiñ ye ruuTh ke jaane vaale

karb un kā ki jo fōt-pāth pe karte haiñ basar

kyā samajh pā.eñge ye rāj-gharāne vaale

laakh ta.avīz bane laakh duā.eñ bhī huiiñ

magar aa.e hī nahīñ jo na the aane vaale

tū bhī miltā hai to matlab se hī ab miltā hai

lag ga.e tujh ko bhī sab rog zamāne vaale

ab to aate hain sabhi dil ko dukhane wale

jaane kis rah gae naz uThane wale

ishq mein pahle to bimar bana dete hain

phir palaTte hi nahin rog lagane wale

kya guzarti hai kisi par ye kahan sochte hain

kitne be-dard hain ye ruTh ke jaane wale

karb un ka ki jo foot-path pe karte hain basar

kya samajh paenge ye raj-gharane wale

lakh tawiz bane lakh duaen bhi huin

magar aae hi nahin jo na the aane wale

tu bhi milta hai to matlab se hi ab milta hai

lag gae tujh ko bhi sab rog zamane wale