ab to dil o dimagh mein koi KHayal bhi nahin
ab to dil o dimāġh meñ koī ḳhayāl bhī nahīñ
apnā junūn bhī nahīñ us kā jamāl bhī nahīñ
us se bichhaḌ ke ziist meñ ye hī gila rahā mujhe
us se judā bhī huuñ magar jiinā muhāl bhī nahīñ
ishq kī jañg meñ miyāñ ye hī usuul hai bajā
haath meñ us ke teġh ho aap ke Dhaal bhī nahīñ
mujh ko kahīñ milī nahīñ koī bhī rāh-e-pur-sukūñ
samt-e-junūb bhī nahīñ samt-e-shumāl bhī nahīñ
mere badan pe thā kabhī us ke badan kā pairahan
aaj balā kā hijr hai jism pe shaal bhī nahīñ
ye bhī kamāl hī to hai qābil-e-dād sāhibān
aaj kalām-e-'jashn' meñ koī kamāl bhī nahīñ
ab to dil o dimagh mein koi KHayal bhi nahin
apna junun bhi nahin us ka jamal bhi nahin
us se bichhaD ke zist mein ye hi gila raha mujhe
us se juda bhi hun magar jina muhaal bhi nahin
ishq ki jang mein miyan ye hi usul hai baja
hath mein us ke tegh ho aap ke Dhaal bhi nahin
mujh ko kahin mili nahin koi bhi rah-e-pur-sukun
samt-e-junub bhi nahin samt-e-shumal bhi nahin
mere badan pe tha kabhi us ke badan ka pairahan
aaj bala ka hijr hai jism pe shaal bhi nahin
ye bhi kamal hi to hai qabil-e-dad sahiban
aaj kalam-e-'jashn' mein koi kamal bhi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
