ab to manzil na hai safar koī
ham-safar hai na rahguzar koī
ham charāġhoñ ke ghar meñ rahte haiñ
ham ko jalne kā hai na Dar koī
aaj sūraj se maiñ ye pūchhūñgā
merī qismat meñ hai sahar koī
jo ḳhayāloñ meñ mere rahtā hai
us kī miltī na hī ḳhabar koī
aise gulshan meñ aa ga.e 'sarvar'
jaise sahrā meñ ho shajar koī
ab to manzil na hai safar koi
ham-safar hai na rahguzar koi
hum charaghon ke ghar mein rahte hain
hum ko jalne ka hai na Dar koi
aaj suraj se main ye puchhunga
meri qismat mein hai sahar koi
jo KHayalon mein mere rahta hai
us ki milti na hi KHabar koi
aise gulshan mein aa gae 'sarwar'
jaise sahra mein ho shajar koi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.