ab tumhi jaano ki kaise tai karoge raste

ab tumhī jaano ki kaise tai karoge rāste

qāfile vaale to kab kā chhoḌ kar jā bhī chuke

mujh ko apne bad-numā kirdār kā hai e'tirāf

aap apnī pāk-bāzī ke DhinDhore pīTiye

shahr bhar meñ aaj vo dekhā gayā hai jā-ba-jā

aur ham ik raat pahle shahr meñ maujūd the

ḳhuub hai ārā.ish-o-zebā.ish bazm-e-ḳhayāl

sochne kuchh baiThiye to sochte rah jā.iye

mujh ko dekhe se jo aa.e besh-qīmat hai mujhe

aap kī vo muskurāhaT aap ke alfāz se

mujh ko kahnā bhī nahīñ paḌtā ki bāñheñ khol do

ḳhud lipaT jaatā hai aa kar mujh se sharmā.e hue

aap ke ḳhvāb apnī āñkhoñ meñ sajā le shauq se

banda-e-nāchīz ko itnī ijāzat baḳhshiye

bhūlne kī ab yahī 'gulfām' ik sūrat rahī

jaam hoñToñ se lagā kar raqs meñ kho jā.iye

ab tumhi jaano ki kaise tai karoge raste

qafile wale to kab ka chhoD kar ja bhi chuke

mujh ko apne bad-numa kirdar ka hai e'tiraf

aap apni pak-bazi ke DhinDhore piTiye

shahr bhar mein aaj wo dekha gaya hai ja-ba-ja

aur hum ek raat pahle shahr mein maujud the

KHub hai aaraish-o-zebaish bazm-e-KHayal

sochne kuchh baiThiye to sochte rah jaiye

mujh ko dekhe se jo aae besh-qimat hai mujhe

aap ki wo muskurahaT aap ke alfaz se

mujh ko kahna bhi nahin paDta ki banhen khol do

KHud lipaT jata hai aa kar mujh se sharmae hue

aap ke KHwab apni aankhon mein saja le shauq se

banda-e-nachiz ko itni ijazat baKHshiye

bhulne ki ab yahi 'gulfam' ek surat rahi

jam honTon se laga kar raqs mein kho jaiye