ab tu ne gul na gulsitan hai yaad

ab tū ne gul na gulsitāñ hai yaad

usī mukhḌe kī har zamāñ hai yaad

ham-nashīñ kah le qissa-e-majnūñ

ham ko bhī dil kī dāstāñ hai yaad

ġhuncha kaaTe thā jis ko dekh ke lab

kyuuñ sabā tujh ko vo vahāñ hai yaad

mustaqil murġh-e-dil jo taḌpe hai

kis kī siine meñ par-fishāñ hai yaad

sabaq-e-girya ashk ko kyā duuñ

aap hī is tifl ko ravāñ hai yaad

gul se kyā muḳhtalit huuñ ai bulbul

mujh ko vo āfat-e-ḳhizāñ hai yaad

aah ai charḳh-e-pīr, 'qā.em' naam

yaañ jo rahtā thā ik javāñ hai yaad

ab tu ne gul na gulsitan hai yaad

usi mukhDe ki har zaman hai yaad

ham-nashin kah le qissa-e-majnun

hum ko bhi dil ki dastan hai yaad

ghuncha kaTe tha jis ko dekh ke lab

kyun saba tujh ko wo wahan hai yaad

mustaqil murgh-e-dil jo taDpe hai

kis ki sine mein par-fishan hai yaad

sabaq-e-girya ashk ko kya dun

aap hi is tifl ko rawan hai yaad

gul se kya muKHtalit hun ai bulbul

mujh ko wo aafat-e-KHizan hai yaad

aah ai charKH-e-pir, 'qaem' nam

yan jo rahta tha ek jawan hai yaad