ab un se aur taqaza-e-baada kya karta
ab un se aur taqāzā-e-bāda kyā kartā
jo mil gayā hai maiñ us se ziyāda kyā kartā
bhalā huā ki tire rāste kī ḳhaak huā
maiñ ye tavīl safar pā-piyāda kyā kartā
musāfiroñ kī to ḳhair apnī apnī manzil thī
tirī galī ko na jaatā to jaada kyā kartā
tujhe to ghere hī rahte haiñ rañg rañg ke log
tire huzūr mirā harf-e-sāda kyā kartā
bas ek chehra kitābī nazar meñ hai 'nāsir'
kisī kitāb se maiñ istifāda kyā kartā
ab un se aur taqaza-e-baada kya karta
jo mil gaya hai main us se ziyaada kya karta
bhala hua ki tere raste ki KHak hua
main ye tawil safar pa-piyaada kya karta
musafiron ki to KHair apni apni manzil thi
teri gali ko na jata to jada kya karta
tujhe to ghere hi rahte hain rang rang ke log
tere huzur mera harf-e-sada kya karta
bas ek chehra kitabi nazar mein hai 'nasir'
kisi kitab se main istifada kya karta
Source:
Kulliyaat-e-Nasir Kazmi (Pg. 267)
- Author: Nasir Kazmi
-
- Edition: 1957
- Publisher: Nasir Kazmi
- Year of Publication: 1957
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
