ab uski yaad satane ko bar bar aae

ab us kī yaad satāne ko baar baar aa.e

vo zindagī jo tire shahr meñ guzār aa.e

ye bebasī bhī nahīñ lutf-e-iḳhtiyār se kam

ḳhudā kare na kabhī dil pe iḳhtiyār aa.e

qadam qadam pe gulistāñ khile the raste meñ

ajiib log haiñ ham bhī ki sū-e-dār aa.e

na chahchahe na surūd-e-shaguftagī na mahak

kise ab aisī bahāroñ pe e'tibār aa.e

junūñ ko ab ke garebāñ se kyā milegā ki ham

ba-faiz-e-mausam-e-gul pairahan utaar aa.e

tirī lagan ne zamāne kī ḳhaak chhanvā.ī

tirī talab meñ tamām ārzueñ haar aa.e

ye faḳhr kam to nahīñ kū-e-yār meñ 'nik.hat'

na sharmsār ga.e the na sharmsār aa.e

ab us ki yaad satane ko bar bar aae

wo zindagi jo tere shahr mein guzar aae

ye bebasi bhi nahin lutf-e-iKHtiyar se kam

KHuda kare na kabhi dil pe iKHtiyar aae

qadam qadam pe gulistan khile the raste mein

ajib log hain hum bhi ki su-e-dar aae

na chahchahe na surud-e-shaguftagi na mahak

kise ab aisi bahaaron pe e'tibar aae

junun ko ab ke gareban se kya milega ki hum

ba-faiz-e-mausam-e-gul pairahan utar aae

teri lagan ne zamane ki KHak chhanwai

teri talab mein tamam aarzuen haar aae

ye faKHr kam to nahin ku-e-yar mein 'nikhat'

na sharmsar gae the na sharmsar aae