ab us se ijtinab bhi mushkil nahin raha
ab us se ijtināb bhī mushkil nahīñ rahā
vo rah rahā hai sāmne par dil nahīñ rahā
dukh dard hasrateñ yā koī baat hogī dost
ik chehra tere sāmne bhī khil nahīñ rahā
tujh ko bhī aasrā kisī kāñdhe kā mil gayā
aur merā dil bhī ab tirā ghāyal nahīñ rahā
ham ne jo dekh-bhāl se paalā thā ik shajar
ab us pe iḳhtiyār bhī hāsil nahīñ rahā
milne ko mil rahā hai mujhe kul-jahāñ magar
'ābir' vo ek shaḳhs mujhe mil nahīñ rahā
ab us se ijtinab bhi mushkil nahin raha
wo rah raha hai samne par dil nahin raha
dukh dard hasraten ya koi baat hogi dost
ek chehra tere samne bhi khil nahin raha
tujh ko bhi aasra kisi kandhe ka mil gaya
aur mera dil bhi ab tera ghayal nahin raha
hum ne jo dekh-bhaal se pala tha ek shajar
ab us pe iKHtiyar bhi hasil nahin raha
milne ko mil raha hai mujhe kul-jahan magar
'abir' wo ek shaKHs mujhe mil nahin raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
