abhi aai thi KHwabon mein gai kya

abhī aa.ī thī ḳhvāboñ meñ ga.ī kyā

junūñ merā hai us kī āgahī kyā

mohabbat aarzī hai hai to hogī

mujhe duniyā milī hai dā.imī kyā

chalo maujoñ meñ ghar karnā sikhā.eñ

ki sāhil-āshnā ye zindagī kyā

tirī majbūriyoñ se pūchhnā hai

ye tum hañstī ho apnī hī hañsī kyā

idhar dīvāreñ saarī gir chukī haiñ

udhar raste meñ duniyā aa ga.ī kyā

lo pachchhim se nikal aaya hai sūraj

to kyā vo phir se merī ho ga.ī kyā

are o jubba-o-dastār vaalo

riyā-kārī huī hai bandagī kyā

maiñ chalne kī hī koshish meñ girā huuñ

mire hāthoñ se qismat bhī girī kyā

na merā rāsta hai aur na manzil

mire allāh mujh meñ hai kamī kyā

zabāñ to hai mirī tahzīb lekin

adab hī mar chukā to shā.erī kyā

abhi aai thi KHwabon mein gai kya

junun mera hai us ki aagahi kya

mohabbat aarzi hai hai to hogi

mujhe duniya mili hai daimi kya

chalo maujon mein ghar karna sikhaen

ki sahil-ashna ye zindagi kya

teri majburiyon se puchhna hai

ye tum hansti ho apni hi hansi kya

idhar diwaren sari gir chuki hain

udhar raste mein duniya aa gai kya

lo pachchhim se nikal aaya hai suraj

to kya wo phir se meri ho gai kya

are o jubba-o-dastar walo

riya-kari hui hai bandagi kya

main chalne ki hi koshish mein gira hun

mere hathon se qismat bhi giri kya

na mera rasta hai aur na manzil

mere allah mujh mein hai kami kya

zaban to hai meri tahzib lekin

adab hi mar chuka to shaeri kya